TAINGAT MATI

TAINGAT MATI

Kada karasaan hari sudah tangah hari

Timbul-timbul taingat wan mati

Maulah ulun liwar katakutanan

Banyu mata titikan bulu awak burinjingan

Mati adalah hal nang pasti

Datangnya gin kada kita katahui

Bisa isuk atawa bisa jua hari ngini

Ngitu sudah rahasia Ilahi

Amun taingat mati

Hanyar handak manyasali diri

Bahanu rancak kada ingat lawan Ilahi

Aur manyasahi dunia nang kada pasti

Ngapa jadi hanyar manyasal wayahini

Tangisan lawan panyasalan sudah kada baarti

Handak baibadah sudah kada mahingkat lagi

Lawan jua waktu kada kawa lagi diulangi

Duhai Tuhan nang maha maampuni

Ampunilah dusa ulun mulai bahari hampai wayahini

Nang sudah talanjur ulun gawi kada sadar diri

Ulun bajanji kada handak lagi maulangi

Lawan pian ulun pasrahakan

Diri ngini nang hibak dusa lawan kasalahan

Mudahan pian hakun mangasiani

Hakun maampuni dusa-dusa nang sudah ulun gawi