Ustadz Kami

Ustadz Kami

Muha pian nang basinar

Akal pian nang pintar

Suara pian nang bagus

Hati pian nang tulus

Langkah pian nang bujur

Lawan sipat pian nang tatarusan basyukur

                       

Duhai Ustadz anum nang mulia

Nang bungas kada sakira

Lawan baik parangainya

Dasar pian taat lawan agama

Lamun tatamu binian pian batunduk

Lamun tatamu nang tuha pian basungkuk

Lamun tatamu nang anum pian lihumi

Lamun tatamu kawan pian salami

Parangai pian kaya mawar nang bau harum

Urang malihat pasti kagum

Kada tuha kada anum

Tabius lawan Ustadz kami nang anum

Itu pang mulianya ustadz kami

Barapa haja urang mamuji

Kada maulah bajunya gubir

Tatap haja randah hati

Ngini pang nang parlu dituruti

Gasan kita nang pakir

 

 Terjemah

Ustadz Kami

Wajahmu yang bercahaya

Akalmu yang cerdas

Suaramu yang merdu

Hatimu yang tulus

Langkahmu yang lurus

Dan sifatmu yang slalu bersyukur

Duhai Ustadz muda yang mulia

Yang sangat tampan

Dan baik perilakunya

Memang kau taat dengan agama

Kalau bertemu perempuan kau menunduk

Kalau bertemu yang tua kau merendah

Kalau bertemu yang muda kau beri senyuman

Kalau bertemu teman kau bersalaman

Perilakumu bagaikan mawar yang berbau harum

Orang melihatmu pasti kagum

Baik urang tua maupun yang muda

Terpikat dengan Ustadz kami yang muda

Begitulah Ustadz kami

Bagaimanapun orang memuji

Tidak membuat bajunya besar

Tetap rendah hati

Inilah yang perlu dicontoh

Untuk kita yang fakir

Ungkapan Tumatan Kajauhan

Ungkapan Tumatan Kajauhan

Duhai uma nang ulun harapakan

Kaya apa haja pian tatap kuwitan

Nang sudah maniananakan lawan maranakakan

Di mana haja pian badiam ulun tarus mandu’akan

Rahatan ulun garing ulun kaganangan wan pian

Ulun handak banar baungah lawan ditimang pian

Ulun handak disayangi kaya lagi kakanakan

Ulun handak banar sarumah sakaluargaan

Tapi ngini pang sudah takdir kahidupan

Kita harus tapisah sabarataan

Ulun ingat pas ngitu baumur anam tahunan

Ulun manangis kada baampihan

Ulun tahu surga ada di talapak batis pian

Ulun handak babakti lawan pian

Tapi ulun kada baisi kamampuan

Du’a haja nang bisa ulun panjatakan mulai kajauhan

Ulun mamuhun lawan Tuhan

Supaya pian mandapat ampunan

Supaya pian sihat lawan parajakian

Mudahan kita takumpul di surga sakaluargaan

Tatinggal Banyu Mata

Tatinggal Banyu Mata

Adinda sayang nang bungas rupawan

Nangkaya bidadari turun mulai kayangan

Mun lakian malihat pasti inya karindangan

Ngitu pang nang maulah lakian kalapakan

Kadada angin kadada hujan

Adinda datang bapadah cinta

Kanda himung kada manyangka

Karana kanda lain arjuna

                     

Dunia tarasa ampun kita badua

Batu karang adalah saksi nyata

Kanda bajanji satia hampai manutup mata

Kadada nang kawa mamisahakan kita

Satahun sudah hubungan kita jalani

Kanapa pian wahini pina barubah

Dahulunya pian katuju baungah

Wahini pian kada lagi mahirani

Kayangitukah sakalinya kalakuan

Jadi binian nang mata duitan

Imbah kada baduit hanyar mambuang

Ada duit kanda disayang kadada duit kanda dibuang

Samuanya sudah hancur

Ibarat nasi sudah jadi bubur

Parjuangan ulun salama ngini kada baguna

Hati luka lawan tatinggal banyu mata