Manyasal

Manyasal

Rahatan ulun bacaramin
Ulun janaki bahimat muha nang pina balain
Dahulu pipi kancang wahini kariputan
Rambut nang dahulunya hirang wahini bahuban

Pandangaran sudah mulai bakurang
Awak sakitan hampai ka tulang
Bajalan sudah kada nahap lagi
Panjanak jua kada hawas lagi

Ngapa lagi mun kada maingat mati
Mun sudah di kubur siapa nang manulungi
Amun kada sangu amal surang jua
Cangkal baibadah lagi di dunia

Tatinggal banyu mata nang lilih batatarusan
Managis basisigan sambil manyasali kalakuan
Wayah anum aur bausaha mancari kasugihan
Hampai kada ingat lagi lawan suruhan Tuhan