Badiam di Banua Urang
Ungut-ungutan di palataran
Mamikirakan nasip di banua urang
Handak banar kami bulikan
Kaganangan di kampung
halaman
Saban baisukan
takumpulan
Bacari iwak wan
ganganan
Dudukan di warung
bakurihingan
Saban kamarian banyak
urang laluan
Urang bajurut datang di
pahumaan
Ada jua nang datang
maunjun di lintingan
Badiam di banua urang
dasar balain
Parak rumah bisa haja
kada bakatahuan
Apalagi mun handak
batutulungan
Lain ladang lain jua
bilalang
Lain banua lain jua
adatnya
Ngini pang sudah adat
buhannya
Pasti balain lawan adat saurang
Kaya ngini pang sudah kaadaan
Bisa-bisa haja lagi mambawa diri
Supaya banyamanan sabarataan
Mudahan kita kuliah manuntungan haja
Amun tuntung gasan kita jua kainanya
Mahimungi kuwitan lawan jua kaluarga
Tidak ada komentar:
Posting Komentar