DITINGGALAKAN

DITINGGALAKAN

Hujan mandasau kada sing taduhan

Patir manggalagar lawan guntur garuguman

Ulun tabungkun kadinginan di buncu pupundukan

Ulun takutan manyaurangan di tangah pahumaan

Lawas tabungkun sambil mamikirakan pian

Pian pina ubah nang kaya urang bakalahian

Samakin lawas kalakuan pian samakin kalihatan

Pian handak maninggalakan ulun salawasan

Tapi kanapa dahulu pian mambari harapan

Rancak mambawai smsan lawan batalipunan

Mun tatamu haur bakurihingan

Mun lawas kada tatamu pian dandaman

Tapi kanapa wahini pian kada hiran-hiran

Mun dihubungi kada suah lagi mambari balasan

Batamu jadi pantangan hagan pian

Mun tatamu kada lagi barawaan

Kaya ngini sakalinya pian lawan bibinian

Pian maanggap binian kaya mainan

Imbah dulak pian buang atawa tinggalakan

Nang kaya urang kada baisi parasaan

Hati ulun nang kaya dikarukut macan

Kada kawa guring kada kawa makan

Banyu mata kada mau bataduhan

Hancur sudah samunyaan harapan