PASRAH

PASRAH

Rahatan ulun saurangan

Hujan kada sing datangan

Batang-batang karing lawan daun baguguran

Awan gin kadada lagi kalihatan

Lawas kuitihi langit lawan banyu mata balilihan

Rasa kada sanggup hidup saurangan

Nasib tapisah lawan kuwitan

Ulun bingung handak  mancari sandaran

Iniah kahidupan

Banyak halangan lawan cubaan

Parlu kasabaran lawan parjuangan

Sagan tatap batahan

Duhai Tuhan …

Nang basipat Rahman

Lawan Pian ulun pasrahakan

Diri ngini nang saraba kakurangan

Karya: Noor Janah