Manyasali Diri di Wayah Sunyi

Manyasali Diri di Wayah Sunyi

Duhai Tuhan nang maulah dunia lawan sabaraan isinya

Nikmat nang pian bariakan kada kawa dihitung banyaknya 

Kasih sayang  pian kada suah bakurang sapanjang masa

Rahmat pian nang tarus mahujani di samunyaan isi dunia

Liwar pang pian pamurah kada sakira

Sudah banyak Tuhan bababari lawan kita

Tinggal kita haja lagi manyukurinya kayapa

Tapi kanapa bahanu kita kada ingat basyukur lawan pambariannya

Bahanu marasa kakurangan tarus hampai kada ingat lawan nang sudah ada

Ngini tandanya di dalam diri kita masih ada rasa cinta dunia

                                          

Liwar jahatnya diri kita nang kada tahu balas budi

Sudah nyaman kada ingat lawan nang tarus manulungi

Imbah parlu hanyar bahimat mancarii

Nang kaya paribahasa amun tagapit bakuciak amun dilapas maiji-iji

Di mana maandak muha nang kada tahu disupan lagi

Waktunya sudah kita menyadari kasalahan nang kita gawi

Ayu kita sasali lawan jangan hampai babulik lagi

Duhai Tuhan ampunilah sabarataan kasalahan kami

Nang rancak kada ingat lawan pian lawan bahanu kada ingat didiri

Bukalah mata hati kami lawan ridailah satiap langkah kami